Бишкектеги Жеңиш аянтында Улуу Ата Мекендик согуштун башталгандыгынын 80 жылдыгына карата «Эскерүү шамы» акциясы өттү.
Катышуучулар шамдан «Биздин эсибизде» деген сөздү жазышты. Ал сөздү жазуу үчүн 1 миң 418 шам колдонулган — бул согуш ушунча күнгө созулганынан кабар берет. «365 ардагерлер фонду «Эскерүү шамы» өнөктүгүн алтынчы жолу өткөрүп жатат. Бул көптөгөн КМШ өлкөлөрүндө өтөт», — деди фонддун координатору.
Адатта, акция диктор Юрий Левитандын согуштун башталышы жөнүндө трагедиялуу жарыясынан жана бардык курман болгондорду бир мүнөт эскерүү менен башталат.
