Кыргызстанда «SkyWay» каржы пирамидасынын уюштуруучусу кармалды. Бул тууралуу 3-ноябрда ИИМден билдиришти.
Маалыматка ылайык, “SkyWay” жана “Sky World Community” уюмдарынын Кыргызстандагы өкүлдөрү жарандарды ири инвестициялык долбоорго катышууга чакырып, каражат кошууга үндөшкөн.
Аталган факты боюнча кылмыш иши козголуп, шектүү катары 1973-жылы туулган «И.П.» ишканасынын куратору кармалды. Ал убактылуу кармоочу жайга киргизилди.
Учурда ИИМ каржы пирамидасынын курмандыгы болгондордун арыздарын кабыл алууну улантууда.
ИИМ «SkyWay» жана «Асман дүйнө коомчулугунун» иш-аракеттеринин курмандыгы болгон жарандарды өздөрүнө жакын жайгашкан аймактык милиция бөлүмчөсүнө же 0505 102 612, 0703 686 883, 102 телефон номурлары аркылуу кабарлап коюуну өтүнөт.
