Кечээ, 27-августта өзгөчө кырдаалдар министри Бообек Ажикеев баланы аман алып калган куткаруучуларга ыраазычылык билдирип, аларга медаль тапшырды. Бул тууралуу ӨКМден билдиришти.
Маалыматка караганда, окуя ушул жылдын 29-июлунда катталган. Саат 18:10 чамасында Ош шаарынын Көкүм бий көчөсүн аралап өткөн каналдан агып бараткан баланы куткаруучулар байкап калышкан.
ӨКМдин Суучулдар кызматында билим алып, учурда эс алуу жайында иштеп жаткан куткаруучулар баланы каналдан алып чыгып, алгачкы медициналык жардам көрсөтүп, андан соң “Тез жардам” кызматына өткөрүп беришкен.
Бул тууралуу ӨКМдин Суучулдар кызматынын окутуучусу Кумар Ибраевге ыраазычылык билдирүү менен куткаруучулар өз видеосун жөнөтүшкөн.
