Кыргызстандын эркин күрөш боюнча улуттук курама командасынын мүчөсү Орозбек Токтомамбетов Иорданиянын Амман шаарында өтүп жаткан Азия чемпиондугунун күмүш медалына ээ болду.
Спортчу 74 килограммга чейинки салмакта катышты. Алгач 1/8 финалдык беттеште кытайлык балбанды 11:0 эсебинде жеңип, чейрек финалдык беттеште Кореянын балбанын 10:0 эсебинде утуп, жарым финалга чыкты.
1/2 финалдык беттеште Өзбекстандын балбанын 10:1 эсебинде жеңип, финалга жолдомо алды.
Алтын медаль үчүн беттеште казакстандык Нуркожа Кайпановго 2:1 эсебинде утулуп, Азия чемпиондугунун күмүш медалына ээ болду.
