АКШнын Скоттсдейл аэропортунда учактар кагылышкан жерде бир адам каза болду. Эки адамдын абалы оор жана жергиликтүү травматология борборлоруна жөнөтүлгөн. Дагы бир адам жергиликтүү ооруканага жеткирилди, төртүнчүсү окуя болгон жерде медициналык жардамдан баш тартты.
Gulfstream учагын эксплуатациялаган Jet Pros LLC компаниясы өз билдирүүсүндө кырсык болгон учурда учак токтотуучу жайда турган лайнердин бортунда жүргүнчүлөр жок экенин ырастады.
Скоттсдейлдин мэри Лиза Боровски кечээ кечинде билдирүү таратты: «Скоттсдейл шаарынын атынан биз бул трагедиядан каза тапкандардын жакындарына жана жабыр тарткандарга терең кайгыруу менен көңүл айтабыз», — деди.
Расмий өкүлдөрдүн айтымында, тергөө транспорт коопсуздугу боюнча Улуттук кеңешке тапшырылды.
