Түркиянын Мармарис шаарында күчү 5,8 баллга жеткен жер титирөө болду. 14 жаштагы кыз каза болуп, 69 адам жаракат алганын ички иштер министри Али Йерликая социалдык тармактагы баракчасында жазды.
Маалыматка караганда, кыз ооруканада көз жумган. Тез жардам бөлүмүндө дагы 46 адам бар. Шаардагы турак жайларга зыян келген эмес. Йерликая белгилегендей, жер титирөө башка облустарда да сезилген.
Түркиянын Табигый кырсыктарды жана өзгөчө кырдаалдарды башкаруу башкармалыгынын маалыматына караганда, жер титирөө 3-июнда жергиликтүү убакыт боюнча саат 03:01де катталган.
