«Жалгыз бой аялдарга жардам» аттуу кайрымдуулук фондунун негиздөөчүсү Милита Мадалиева тамактануучу жайдан кезекте турган аялдар кол салгандыгын социалдык баракчасына жазып чыкты.
«Тамактануучу жайда балдарым менен кезекте турсам жанымдагы кыз менден ашып буюртма берем деп озунду. Мен аны шариятка ылайык, колум менен түртүп койгом. Ал «Мен Казакстандан келип кезек күтөмүнбү?» деп сөгүнүп баштады. Ошол жерден айтыша кеткенде бирөөсү бетиме чаап жиберди. Байкоочу камерага түшкөн видеонун баарын укук коргоочуларга тапшыргам. Тергөөчү экспертизанын жыйынтыктарын алып кеткен, кийин кылмыш иши болбойт деп, ишти жаап койду.
Балдарымдын көз алдында мени сабап, басмырлап, сөккөндөрү эч нерсе эмеспи? Менин уулум жакында операция болгон, аны да тээп, башка чабышкан. Окуядан кийин канча күн моралдык жактан сынып, иштей алган жокмун. Гипсти улам чечип, антибиотик сайдырып жаттым. Баарынан да ызалантканы, менин башымдагы жоолукту чечип, балама «сенин апаң ж…п» деп айтып, видеого тартышканы болду. Мен деле коргонуу үчүн урушуп, сөгүнгөм. Бирок алар чырды баштап, мага тобу менен кол салышты. Жанындагы эркек 3 жолу колумду кайрыды, бир кыз мени бир нече жолу чаап, бутумдун 3 жерин тиштеп алды. Мага биринчи кол салган кыздардын биринин күйөөсү жолугуп кечирим сурап, 100 миң сом сунуштап, 3 күн убакыт берүүнү суранган. Андан кийин ишти жаап коюшту. Ал киши болсо мени бардык жактан блоктоп салды», — деп жазган жабырлануучу.
Кечээ, 1-август күнү Ысык-Көл облусунун Балыкчы шаарына караштуу Көк-Мойнок 2 айылындагы Четинди жайлоосунда 1985-жылы туулган С.К. аттуу жаран аттан кулап,...
2-августка караган түнү айрым жерлерде Чүй, Жалал-Абад, Ысык-Көл, Нарын облустарында кыска мөөнөттүү жаан жаап, күн күркүрөйт. Күндүз Чүй, Ысык-Көл облустарынын...
Бүгүн, 1-августта Ысык-Көл облусунун Тоң районуна караштуу Туз көл — Өрдөк учар участкасында жаратылышты коргоо максатында жейрендерди жапайы жаратылышка коё...
Бүгүн, 1-август күнү Курулуш, архитектура жана турак жай-коммуналдык чарба министрлигинин 100 жылдык салтанаттуу мааракеси Токтогул Сатылганов атындагы улуттук филармонияда белгиленди....
31-июлда Жаратылыш ресурстары, экология жана техникалык көзөмөл министрлигине караштуу Экология жана техникалык көзөмөл кызматынын Биоресурстарды контролдоо бөлүмүнүн инспектору, Кызматтын Бишкек...
