Мугалим Азамат Нурматов тууралуу маалымат түшкөндөн кийин Тышкы иштер министрлигинин кызматкерлери дароо Түркиянын укук коргоо органдарына кайрылып, тиешелүү иштер жүрүп жатканын тышкы иштер министринин орун басары Алмаз Имангазиев бүгүн, 28-апрелде парламенттин эл аралык комитетинин жыйынында билдирди.
«Алдын ала маалыматтар боюнча, 2016-2017-жылдары Түркияда төңкөрүш болгон кезде Азамат Нурматов жатаканада жашап, Фетхуллах Гүлендин тарапташтары колдонгон мобилдик тиркемени колдонгон. Ал Түркияда издөөгө алынган жана ошонун негизинде кармалган», — деди ал.
Бул маселе көзөмөлгө алынып, Тышкы иштер министрлиги Нурматовдун жактоочусу жана жакындары менен байланышта. «Жакынкы күндөрү ага жакындары телефон аркылуу байланышат деп күтүлүүдө», — дейт Имангазиев.
