Буга чейин социалдык тармактарда айланма жолдо катталган жол кырсыктын видеосу тараган.
Жол кырсык боюнча Бишкек ШИИБден маалымат беришти. Маалыматка караганда, 5-май күнү саат 18:30 чамасында Бишкек-Нарын-Торугарт унаа жолунун 19-чакырымында айдоочу жүк ташуучу Мерседес-Бенц Спринтер унаасы менен чыгыш тарапты көздөй бара жатып, 1990-жылы туулган жаран башкарып бара жаткан Мерседес-Бенц Спринтер жүргүнчүлөр транспорту менен сүзүшкөн.
Кырсыктын кесепетинен 15 адам, анын ичинде 3 бала жабыркаган. Бардык жабыркагандар аймактык ооруканаларга жаткырылган.
Бул факты Бишкек ШИИБге катталып, бардык керектүү экспертизалар дайындалган. Унаалар айып токтотуучу жайга киргизилген.
