Бүгүн күнгө жекшемби, 28-март. Парламенттик шайлоонун жыйынтыгына элдин нааразы болуп чыкканына дээрлик жарым жыл, Садыр Жапаровдун президенттик кызматка расмий киришкенине туура 2 ай болду. Бул аралыкта ал Орусияга, Казакстанга жана Өзбекстанга сапарлар менен барып келүүгө жетишти. Бир күн ичинде өтө турган жергиликтүү кеңештердин депутаттарын шайлоого жана жаңы Конституция боюнча референдумга 2 апта калды. “Аптага серептин” бул чыгарылышында Кыргыз мамлекети өзү кура албаган “Камбар-Ата-1” ГЭСи, кылмыш иштеринен кутулган Өмүрбек Бабанов, чек ара иштеринен улам коррупционерлерге убакыт таба албай жаткан Камчыбек Ташиев жана башка апта ичиндеги окуяларга саресеп салабыз.
Москвадагы мончодо мигранттардын сабалышы | Элдин жана депутаттардын пикири
Социалдык тармактарда Орусиядагы мончодо мигранттар күч органдары тарабынан кармалган видео тараган. Эмгек министрлиги 24 кыргызстандыктын жыйырмасы бошотулуп, төртөө Орусиядан чыгарыла...
