MBANK ишкерлерге жоопкерчилиги чектелген коомду (ЖЧК) толугу менен онлайн каттоого мүмкүнчүлүк берген уникалдуу кызматын ишке киргизилгенин жарыялады. Бул өлкөдөгү алгачкы кызмат болуп, мамлекеттик юридикалык жактарды каттоо кызматын түздөн-түз банктык колдонмо менен интеграциялады. Бул ишкерлердин ишин бир топ жеңилдетет.
ЖЧК деген эмне жана кимдерге ылайыктуу?
ЖЧК (жоопкерчилиги чектелген коом) – бул бизнес жүргүзүүнүн формасы, анда негиздөөчүлөрдүн жоопкерчилиги алардын уставдык капиталга кошкон салымы менен гана чектелет. Бул ишкердин жеке мүлкү компаниянын карыздарынан жана финансылык милдеттенмелеринен корголот дегенди билдирет.
ЖЧК төмөнкүлөр үчүн ылайыктуу:
- Жаңы баштап жаткан ишкерлер үчүн – минималдуу тобокелдик.
- Өнөктөштөрү бир нече болгон бизнес үчүн – ар бир катышуучунун үлүшүн жана укуктарын так аныктоого болот.
- Башка юридикалык жактар менен иштөөнү, тендерлерге катышууну, инвестиция тартууну жана кызматкерлерди жумушка алууну пландаган компаниялар үчүн.
Кызматтын артыкчылыктары:
- 24/7 жеткиликтүүлүк. ЖЧК каттоо MBANK аркылуу каалаган убакта жана каалаган жерде жеткиликтүү – смартфон жана интернет болсо жетиштүү.
- Толук онлайн. Каттоочу органга баруунун кереги жок, бардыгы онлайн.
- Ыңгайлуулук. Документтерди тез тапшыруу, онлайн төлөм жана каттоо күбөлүгүн түз эле MBANK колдонмосунда алууга болот.
- Санарип архив. MBANK аркылуу катталган бардык компаниялардын күбөлүктөрү дайыма колуңузда.
- Процессти көзөмөлдөө. Өтүнмөңүздүн статусу, четке кагылуусу же ийгиликтүү катталышы тууралуу эскертмелерди аласыз.
- Коопсуздук жана ишенимдүүлүк. Кызмат электрондук кол тамганы жана идентификацияны колдонуп, жекеликти тастыктайт.
- Автоматташтыруу. Салык режимин тандоо жана автоматтык түрдө салык органдарына катталуу мүмкүнчүлүгү бар.
- Жөнөкөйлүк. Колдонмодогу көрсөтмөлөр, шаблондор жана кеңештер керектүү талааларды тез толтурууга жардам берет.
Кызмат кантип иштейт?
Каттоо MBANK колдонмосундагы Кызматтар > Мамлекеттик кызматтар > Юридикалык жактарды каттоо бөлүмүндө жеткиликтүү.
Өтүнмөнү кароо мөөнөтү: төлөм учурунда тандалган убакытка жараша. Стандарттуу мөөнөт – 1 иш күнү, 6 саат же 3 саат ичинде да каралышы мүмкүн.
Өтүнмөнү тапшыруу үчүн керектүү документтер:
- Юридикалык дарек боюнча макулдук формасы, анда юридикалык жак жайгаша турган дарек көрсөтүлөт
- Кыймылсыз мүлккө болгон укуктардын Бирдиктүү мамлекеттик реестринен үзүндү
- Эгер өзүңүз менчик ээси болсоңуз – турак жайга болгон укукту тастыктоочу документтер.
Жаңы кызмат Кыргыз Республикасынын Юстиция министрлиги менен биргеликте иштелип чыгып, мамлекеттик кызматтарды санариптештирүүдө маанилүү кадам болуп саналат.
MBANK – биринчи санарип!
КРУБ №014 лицензиясы
