18-20-август күндөрү Чолпон-Ата шаарында популярдуу музыка аткаруучулардын “Мейкин Азия” III эл аралык Ысык-Көл фестивалы өтөт. Бул тууралуу Маданият министрлигинен билдиришти.
Азия жана Европа өлкөлөрүнүн мыкты аткаруучулары, ошондой эле Казакстан, Түркия, Орусия, Түштүк Корея, Кытайдан мейман катары келген эстрада жылдыздары көгүлтүр көл жээгинде улуттук жана дүйнөлүк хит ырларды тартуулайт.
Кыргызстындын атынан фестивалга катышуу үчүн улуттук тандоо тур 24-июль күнү Токтогул Сатылганов атындагы филармонияда өткөн.