Кезинде «Кыз-Бурак» тобунун жүзү болгон, учурдагы жеке ырчы Айжамал Кабылова SuperTV`га маек курду. «Мен бактылуумун» деген ырчы айым башынан өткөн сыноолорду кантип басып өткөнүн, кантип сынып калбай сахнага кайтып, сыноону жеңгенин айтып берди.
«Мурда сахнага чыгып, ырдап, кол чабуулар, алган белектер менен өзүмдү аябай бактылуу сезчүмүн. Азыр мен ырчылык менен бирге энемин. Аялзатына тиешелүү жумуштардын баарын жасайм. Тандырга нан жаап, уй саай албайм. Турмушка чыкканга чейин устатыбыз Гүлшайыр Садыбакасова баарын үйрөткөн. Азыр үйдө аялдын, сыртта эркектин ишин кылып жатам. Адам баласынын колунан баары келет»,- деди ал.
