Бакуда өткөн Түрк дүйнөсүнүн «Коркут Ата» кинофестивалында кыргызстандык режиссер Актан Арым Кубат статуэтка менен сыйланды. Бул тууралуу Кыргызстандын Азербайжандагы элчилигинен билдиришти.
Режиссер «Кинематографияны өнүктүрүүгө кошкон салымы үчүн» статуэткасын алган.
Түрк дүйнөсүнүн “Коркут Ата” кинофестивалы 2021-жылдан бери өткөрүлүп келет. Алгач Түркиянын Стамбулунда, былтыр Бурса шаарында өткөн. Үчүнчүсү Азербайжандын Баку шаарында “Шуша – түрк дүйнөсүнүн маданий борбору – 2023” жылынын алкагында өттү.
