Алпаруучу Алексей Филатов 32 жашында каза болду. Бул тууралуу анын санаалаштары соцтармак аркылуу билдирип жатышат.
«Алексей Филатовду куткара албай калышты. Апасына чын дилден көңүл айтам. Лешенька, жаткан жериң жайлуу болсун», — деп жазылат алпаруучу Ассоль Молдокматованын билдирүүсүндө.
Алпаруучу Алексей Филатовдун буга чейин пневмониядан улам ооруканада оор абалда жатканы маалымдалган эле. Ал 15 жашынан тартып ТВ берүүлөргө чыга баштаган. «Улуттук хит-парад» көрсөтүүсү аркылуу элге таанылып, кийин продюсерликке өткөн.
СЕРЕП МЕДИА маалымат агенттиги маркумдун үй-бүлөсүнө жана жакындарына терең кайгыруу менен көңүл айтат.