Маданият министрлигинин тапшырмасына ылайык Улуттук маданий борбордун уюштуруусунда Кыргыз ССРинин эл артисти, биринчи хормейстер Султан Юсуповдун 105 жылдыгына карата Студенттик хор коллективдери арасында II республикалык кароо-сынак фестивалы өтөт. Бул тууралуу Улуттук маданий борбордон билдиришти.
«Аталган иш-чарага өлкөбүздүн 7 облус, 2 шаарынан 600гө чукул адамдан турган 12 хор коллективи катышат. Кароо-сынактын тандоо туру 23-май күнү саат 11:00дө Калый Молдобасанов атындагы улуттук консерваторияда өткөрүлөт. Ал эми сыйлоо аземи 24-май күнү саат 18:00дө Тарых музейинин алдында болуп, гала-концерт менен коштолот. Фестивалга катышкан бардык хор топтору Бишкек шаарынын конокторуна жана тургундарына концерттик программа тартуулашат. Анда кыргыз жана дүйнөлүк композиторлорунун чыгармаларын аткарышат», — дешти.
Байге фонду 1 миллион сомду түзөт.