Актриса Екатерина Градова көз жумду. Бул тууралуу журналист Андрей Малахов өзүнүн Твиттердеги баракчасына жазды.
Анын өлүмүнүн себептери жана шарттары азырынча белгисиз. Актриса 74 жашта болчу.
Градова 1946-жылы 6-октябрда Москва шаарында туулган. Ал мектепти аяктагандан кийин Москвадагы көркөм театр окуу жайына тапшырган. 4-курсунда Маяковский атындагы Москва академиялык театрында коюлган «Таланттар жана суктануучулар» спектаклинде башкы ролду ойногон.
Актриса өзүнүн карьерасында 20 театралдык спектаклдарда, сегиз телесериалда жана төрт тасмада ойного жетишкен.