Дүйнөлүк көчмөндөр оюндарынын эстафетасын Казакстандын Маданият жана спорт министри Даурен Абаев кабыл алды. Эстафетаны Түркиянын Жаштар жана спорт министри Мехмет Муххарем Касапоглу өткөрүп берди.
Дүйнөлүк көчмөндөр оюндарын өткөрүү демилгеси 2012-жылы түрк кеңешинин саммитинде мурдагы президент Алмазбек Атамбаев тарабынан көтөрүлүп, 2014-жылы тарыхта биринчи жолу Ысык-Көлдө өткөрүлгөн. Экинчи жолу 2016-жылы, үчүнчү жолу 2018-жылы кайра эле Ысык-Көлдө уюштурулган.