Чолпонбай Түлөбердиев тууралуу фильмдин сценарийине сынак жарыяланды

— Кыргыз жараны болгон киносценаристтер жана драматургдар катыша алат;

— Автор сынакка бир эле чыгарманы сунуштай алат;

— Ч.Түлөбердиевдин өмүр-таржымалы жана каармандыгы жөнүндө жазылган сценарийлер гана кабыл алынат.

Сынактын мөөнөтү: 2025-жылдын 1-январынан баштап 10-февралына чейин.

Толук жазылган сунуштама (заявкасы):

— Автордун аты-жөнү

— Автордун электрондук дареги жана байланыш номуру

— Сценарийдин жумушчу аталышы

— Жанры

— Хронометраж

— Аудиториясы

— Логлайн

— Синопсис
Автор/авторлош жөнүндө толук маалымат (автобиография, фильмография, кинематографиядагы ийгиликтерин атап кетүү). Байланыш телефондору/электрондук дареги жазылат.

«Конституцияга каршы келген көз караштар, мамлекеттин бүтүндүгүн бузуу, коопсуздугуна шек келтирүү, социалдык, расалык, улуттук, диний, мүлктүк, уруулук каршылыкты жана сексуалдык зордук-зомбулукту жактап, үгүттөө сыяктуу көрүнүштөрдү камтыган сценарийлер сынактан автоматтык түрдө четтетилет», — деп жазылат жарыяда.

Сценарийлер басылган жана электрондук түрдө төмөнкү дарек боюнча кабыл алынат: Бишкек шаары, Д.Асанова көчөсү 1, “Кыргыз фильм” улуттук киностудиясы 2-кабат, редакция.