Ырчы Султан Садыралиевдин келинчеги менен түтүн булатканына 12 жыл болду. Бул тууралуу ырчы социалдык тармактагы баракчасына жазды.
«Келинчегим экөөбүздүн түтүн булатканыбызга быйыл 12 жыл болду. Акыркы 2 жылдан бери суранып атып дуэт ырдадык. Чыгарма чын жүрөктөн жазылды. Көп сынамай жок. Өзү уялчаак. Силерге жагат деген ойдомун»,— деп жазды ал.
Султан Садыралиев жубайы менен 2010-жылы баш кошушкан. Түгөйлөр 1 кыз, 2 уулду тарбиялап келишет.