Токтоболот Абдумомунов атындагы Кыргыз улуттук академиялык драма театрынын артисти Айсалкын Осмонова «Кыргыз Республикасынын эмгек сиңирген артисти» наамын алды. СЕРЕП МЕДИА маалымат агенттиги Айсалкын Осмонованы куттуктап байланышты.
«Мен жаңылыкты 24-августта уккам. Президенттик аппараттан да чалышып, эртең, 2-сентябрда тапшыруу аземи болорун айтып, чакырышты. Наам алууга документти театр тапшырды. Былтыр, мурдагы жылдары тапшырып келгенбиз, быйыл тапшырылган эмес. Бирок мурдагы документтерди карап, быйыл беришти окшойт», — деди ал.