Ырчы Илгиз Абдалиев экинчи ирет уулдуу болду. Бул тууралуу ал социалдык тармактагы баракчасына жазды.
«Сүйүнчү достор, уулдуу болдук. Кудайга шүгүр, күткөн күн келди. Баатыр төрөдү. Салмагы 3 килограмм 980 грамм. Сиздердин жакшы каалоо-тилектер менен аман-эсен уулубузду колубузга, боорубузга алдык. Киндигин да өзүм кестим. Жубайыма чоң рахмат, экинчи ирет уул төрөп берди. Энесине жана балама ден соолук берсин»,- деп жазды ал.
Түгөйлөр 2019-жылы жылы баш кошушкан. Тун уулу 2021-жылдын 8-май күнү төрөлгөн.