Легендарлуу Маданият министри Күлүйпа Кондучаловага арналган мемориалдык такта орнотулду. Бул тууралуу маданият министрлигинен билдиришти.
Ачылыш салтанатта маданият, маалымат, спорт жана жаштар саясаты министри Кайрат Иманалиев, экс-президент Роза Отунбаева, белгилүү мамлекеттик ишмерлер Медеткан Шеримкулов, Апаз Жумагулов, Кыргыз Республикасынын эл артисти Рейна Чокоева сөз сүйлөштү. Анда Күлүйпа Кондучалованын маданият тармагына кошкон салымы жана адамдык сапаттарына кеңири токтолушту. Кыргыз эл баатыры, мамлекеттик жана коомдук ишмер, легендарлуу маданият министри бул үйдө 1961- 2013-жылдары жашаган.
