Кыргыз жигиттеринен турган “Art of robots” тобу “Румыния таланттарды издейт” сынагына катышып, дароо эле жарым финалга өттү. Бул тууралуу аталган топтун мүчөсү Нурсултан Абилов SUPERTV`га билдирди.
“Сынак өткөн жылдын ноябрь айында орун алган, эфирден кечээ күнү көрсөтүлдү. Биз 1-турда көрсөткөн номерлерибиз калыстарга жагып, алтын баскычты басышты. Мындан улам дароо жарым финалга өттүк. Жарым финал май айында болот. Азыр ошого даярдык көрүп жатабыз”, — дейт ал.
Белгилей кетсек, “Art of robots” тобу Нурсултан Абилов, Салават Алыкулов, Рахман Эргешбеков жана Ринат Исраилов деген мырзалардан турат. Алардын машыктыруучулары Азамат, Саламат Абдрахмановдор.
