Манас эпосунун Дөөлөт Сыдыковдун варианты жарык көрдү. Маалыматты СЕРЕП МЕДИА маалымат агенттигине өзү тастыктады.
«Аянттагы айткан Манастын жарымы чыккан. Элге атайын ачылышы боло элек болчу»,- деди ал.
Өткөн жылы манасчы Дөөлөт Сыдыков «Ала-Тоо» аянтында 14 саат тынымсыз манас айтып, рекорд койгон. Иш-чара эртең менен саат 9:00дө башталып, түнкү саат 12 жарымга чейин уланган. “Ала-Тоо” аянтындагы Манастын эстелигинин жанына бийиктиги 5 метр айнектен жасалган боз үй курулган. Дөөлөт Сыдыков ошол үйдүн ичинде отуруп, 14 саат 27 мүнөт тынымсыз, тамак-аш, суу ичпестен манас айтып, дүйнөлүк рекорд койду. Бул аракети менен ал “Гиннесстин рекорддор китебине” кирүүгө кадам жасаган.