Кыргыз Республикасынын Эмгек сиңирген артисти Мирбек Атабековдун «Мурас» аттуу ырын орусиялык «Воронеж кыздары» аттуу ансамблдин студенттери аткарууда. Студенттердин даярдык учурунан тартылган видео социалдык тармакка жарыяланды. Маданий иш-чара тууралуу Каракол шаарынын мэриясынан СЕРЕП МЕДИА маалымат агенттигине билдиришти.
«Каракол шаары КМШ мамлекеттеринин маданий борбору болуп январь айында кабыл алынган. Иш-чара 1-2-июль күндөрү Каракол шаарында расмий белгиленет. Социалдык тармакка тараган видео да Караколдо өтчү иш-чарага даярдык учурунан экен. Негизи иш-чарага 14 мамлекеттин өкүлү катышат. Андан сырткары 120 музыкант 120 дүйнөлүк аспапта ойнойт», — дешти басма сөз кызматынан.