“Маралым”, “Кереметим”, “Кечир мени” жана башка ырларды кавер ырдап, кырнетте белгилүү болгон Нуриланы конокко чакырдык. Ал интервьюда өзүнүн жашоосу, чыгармачылыгы жөнүндө айтып берди.
«Атамды көп деле көргөн жокмун. 5-6-класста бир келип кеткен. Атамдын кандай адам экенин, мүнөзүн билем. Жан дүйнөмдү тынчтандырыш үчүн атам жакка барып, белек алып барып, 1 ай жүрүп келейин деп жатам. Бала кезде атамдын жоктугу билинген эмес. Анан өспүрүм кезде дос кыздарыңды көрүп, «ата болгон сонун турбайбы» деген сезимдер болгон», — деди ал.
