Казакстан кезектеги Дүйнөлүк көчмөндөр оюндарын өткөрүүгө арыз бергенин парламенттин Мажилисинин төрагасы Ерлан Кошанов Түркиянын президенти Режеп Тайып Эрдоган менен жолугушуусунда билдирди.
«Мажилистин төрагасы Казакстан кезектеги V Дүйнөлүк көчмөндөр оюндарын өткөрүүгө арыз бергенин айтып, түрк коомчулугу бул сунушту колдойт деген ишенимин билдирди», — деп билдирди парламенттин басма сөз кызматы. Бешинчи Көчмөндөр оюндары 2024-жылы өтүшү керек.