Министрлер кабинети коррупциялык укук бузуулар жөнүндө кабарлаган адамга акчалай сыйлык төлөө тартибин иштеп чыгып, коомдук талкууга койду.
Акчалай сый акы төлөө мамлекетке коррупциялык укук бузуу үчүн компенсациядан түшкөн каражаттардын эсебинен жүргүзүлөт. Коррупциялык укук бузуу тууралуу кабарлаган адамга бул учурда кайтарылган жана мамлекетке түшкөн каражаттын 10 пайыз өлчөмүндө бир жолку сый акы төлөнөт, бирок 1 миллион сомдон ашпайт. Долбоор «Коррупция боюнча маалымат таратуучуларды коргоо жөнүндө» мыйзамга ылайык, маалымат бергендерге сый акы төлөөнүн бирдиктүү тартибин түзүү жана коррупциялык укук бузуулар боюнча тергөө жана ыкчам-издөө иш-чараларын жүргүзгөн укук коргоо жана көзөмөл органдары тарабынан колдонуу үчүн даярдалган.
Акча төлөөнүн тартиби бардык фактылар (документтер) болгондо бир жолку акчалай сыйлык алууга болот:
— тийиштүү жак коррупциялык укук бузуу жөнүндө маалымат берген фактыны ырастоо;
— мыйзамдуу күчүнө кирген сот актысы;
— коррупциялык укук бузуу менен келтирилген материалдык зыянды компенсациялоо.
Мындан тышкары, коррупциялык тобокелдиктерди минималдаштыруу максатында, ошондой эле укук коргоо жана көзөмөл органдарынын актыларынын негизинде ыктыярдуу компенсация боюнча мындан ары соттук териштирүүлөрдү жокко чыгаруу үчүн төлөмдөрдү сот актысы мыйзамдуу күчүнө киргенден кийин гана жүргүзүү сунушталууда. Ал акыркы болуп саналат жана даттанууга жатпайт.
Коррупциялык мыйзам бузуу тууралуу маалымат берген адамга акчалай сыйлык төлөө же төлөбөө үчүн комиссиялык кароого төмөндөгүлөр керек:
— мыйзамдуу күчүнө кирген сот актыларында бир жолку акчалай сый акы төлөө жөнүндө чечим кабыл алынгандыгы;
— өндүрүшүндө коррупциялык укук бузуу болгон жооптуу адам менен коррупциялык укук бузуу жөнүндө кабарлаган адамдын ортосундагы сүйлөшүүлөрдүн жокко чыгарылышы;
— объективдүү кароо, материалдарды толук жана ар тараптуу изилдөө үчүн жана бир жолку акчалай сый акы төлөө жөнүндө чечим кабыл алуу үчүн комиссияга ыкчам бөлүмдүн, тергөө бөлүмүнүн, финансылык бөлүмдүн жана ички коопсуздук бөлүмүнүн өкүлдөрү кирет;
— тиешелүү адамдын билдирүүсүнө ылайык, келтирилген материалдык зыяндын ордун толтуруу фактысын аныктоо.
Комиссиянын кароосу үчүн түзүлгөн материалдар купуя болгондуктан, Комиссия мүчөлөрү жашыруун мүнөздөгү документтерге жеткиликтүүлүккө ээ болушу керек.