Бүгүн, 26-июлда жогорку окуу жайларына абитуриенттерди тандоонун 2-туруна арыздарды кабыл алуу аяктап, 11 миң 598 арыз катталды. Бул тууралуу Билим берүү министрлигинен билдиришти.
ЖОЖдорго кабыл алуунун I турунда 26 миң 546 арыз катталып, анын ичинен 12 миң 902 абитурент кабыл алынды.
Биринчи турдун жыйынтыгы боюнча ЖОЖдорго эң көп кабыл алынгандар:
— Ж.Баласагын атындагы Кыргыз улуттук университети – 2 миң 115;
— Ош мамлекеттик университети – 1 миң 864;
— И.Раззаков атындагы Кыргыз мамлекеттик техникалык университети – 1 миң 563;
— Б.Ельцин атындагы Кыргыз-Россия Славян университети – 938;
— И.Арабаев атындагы Кыргыз мамлекеттик университети – 891;
— К.Карасаев атындагы Бишкек мамлекеттик университети – 811;
— И.Ахунбаев атындагы Кыргыз мамлекеттик медициналык академиясы – 635.