Акыркы сутка ичинде өлкө боюнча 13 адамдан коронавирус аныкталды. Бул тууралуу Саламаттыкты сактоо министрлигинен кабарлашты.
Аймактарга алып карасак, Бишкекте — 8, Чүйдө — 3, Ош облусунда — 1, Жалал-Абадда — 1 кишиден илдет аныкталды. Ошентип, өткөн жылдын март айынан бери коронавируска чалдыккандардын саны 200 миң 720 адамга жетти.
Соңку суткада 1 адам каза болду. Өткөн жылдын март айынан бери өлкөдө аталган илдеттен көз жумгандардын саны 2 миң 972 адамды түздү.