Алмазбек Атамбаевдин жан сакчысы Канат Сагымбаевди УКМКга алып кетишкенин мурдагы президенттин кеңешчиси Кундуз Жолдубаева соцтармактагы баракчасына жазды.
Анын айтымында, бүгүн, 23-сентябрда саат 12:50 чамасында алып кетишкен. «Өзгөчө маанилүү иштер боюнча эки адам үйгө келишти. Аны кайсы иш боюнча чакырып жатышканын айткан жок. Эч кандай чакыруу кагазы берилген эмес», — деп жазып, видео менен бөлүштү.
УКМК азырынча маалымат бере элек.