Айт, арапа күндөрү Ош шаардык милициясы коомдук коопсуздуктун сакчылыгында болот. Бул тууралуу Ош ОИИБден билдиришти.
«Ош шаардык ички иштер башкармалыгынын кызматкерлери эртеӊки айт-арапа күндөрүнө карата Ош шаарынын аймагында коомдук коопсуздукту сактоо боюнча кызматтарын күчөтүшөт. Бардык айт намазы окула турган 43 мечитте милиция кызматкерлери кызматта болушат«,- деп айтылат маалыматта.
Маалыматка караганда, башкармалыктын бардык кызматкерлери бул күндөрү бөлүнгөн аймактарда: мечиттерде, коомдук жайларда, эс алуучу бак-скверлерде кызмат өтөөнү улантышат.