«2 кыз чоңоюп, Кыргызстанда турмушка чыгышкан, күйөөлөрү Кыргыз жараны болсо да, балдарына туулгандыгы тууралуу күбөлүк берилбей, балдар бакчасына бара албайт. Бул агайдын кичүү уулу 2013-жылы Кыргызстанда төрөлгөн, ага да күбөлүк беришпейт. Мен бул үй бүлөгө 17-мартта Баткенде элди кабыл алып жүргөндө үйүнө барып арыздарын алгам. Тилекке каршы жергиликтүү бийлик ошондо берген убадасын аткарбай, бул үй-бүлөнү чек араны мыйзамсыз өткөнсүңөр, силерди келген жагыңарга чыгарып салып кутулушубуз керек деген. Ошол эле учурда, бул үй бүлөнүн иши боюнча аппарат кызматкерлери да эч бир иш кылбай, кечээ аларга чалып “мен Атырмын, мага келбегиле” деп айтып алдап, адам укугун коргоо аракетин көрбөгөндүгү азыр аныкталды. Элдин укугун коргоодон көрө саясий оюндарга аралашып мени жамандап кетирүү аракетине убакыт коротконго туура көргөн экен да», — деди ал.
Атыр Абдрахматова: «Элдин укугун коргоодон көрө мени жамандап кетирүү аракетине убакыт коротконду туура көргөн экен»
«Азыр эле жеке кабыл алуумда этникалык кыргыздар — Баткен районунун тургундары болушту. Бул үй бүлө он жылдан бери Өзбекстандан мекенибизге көчүп келген. Бирок 10 жылдан бери дагы деле бир да документ ала албай убара». Бул тууралуу акыйкатчы Атыр Абдрахматова билдирди.