Азамат Сакиев «Кыргыз темир жолу» мамлекеттик ишканасынын башкы директору болуп дайындалды. Бул тууралуу аталган ишканадан билдиришти. Маалыматка караганда, тиешелүү буйрукка Министрлер кабинетинин төрагасы Улукбек Марипов 25-июнда кол койгон.
Сакиев Азамат Абдукаримович 1989-жылы 20-февралда туулган. Үй-бүлөлүү, 1 баланын атасы. Билими жогорку. Адистиги менеджмент, Малайзиядагы Ноттингем университетинин филиалында эл аралык бизнес боюнча билим алган. Эмгек жолун 2019-жылы «Кыргыз темир жолу» мамлекеттик ишканасында баштаган, кызматка дайындалганга чейин аталган ишкананын Мамлекеттик сатып алуулар бөлүмүнүн материалдык-техникалык камсыздоо филиалынын башчысы кызматын ээлеген.
«Кыргыз темир жолу» мамлекеттик ишканасынын буга чейинки башкы директору Василий Дашков УКМК тарабынан кармалып, кийин эки айга камакка алынган.