Баткенде милиция кызматкерлери жарандарга Тажикстанга кирип кеткен малын кайтарып берди. Бул тууралуу ИИМден билдиришти.
Баткен районунун Самаркандек айылынын тургунунун ийри мүйүздүү малы жана дагы бир жарандын 1 баш ийри мүйүздүү малы Паскы-Арык айылында чек ара тилкесинде оттоп жүрүп, Тажикстандын Исфара районунун Чорку айылына 7-октябрь күнү кирип кеткен.
Самаркандек айылдык милиция бөлүмү менен Согди облусунун Исфара-2 РИИБдин милиция кызматкерлери сүйлөшүүлөрдүн негизинде 12-октябрь күнү кыргыз тараптын тажик тарапка өтүп кеткен 2 баш бодо мал кайтарылып, өз ээлерине тапшырылды.
Эки өлкөнүн милиция кызматкерлери чек ара аймактарында эки элдин ортосунда ар кандай пикир келишпөөчүлүктөрдүн жана улуттар аралык чыр-чатактардын алдын алуу, чек ара тилкелеринде жашаган тургундарга мал жандыктарына сак болуусун эскертип, коомдук коопсуздукту көзөмөлдөөнү колго алган.
