Лира Жыргалбекова 33 жашта. Ал 11 жылдан бери милицияда тергөөчү болуп иштейт. Адатта тергөөчү суроо салса, бүгүн биз ага суроо сала турган болдук. Бул видеодо майор тергөөчүлүк кесибинин оош-кыйышын айтып берди.
«Иш тергеп жатканда өспүрүм балдар, ымыркайлар боюнча иш болгондо аябай жүрөгүм ооруйт. Жүрөгүмдү ооруткан бир окуя болгон. Бир үй-бүлөдө талааны сугарганга күйүүчү май менен мотор иштетип, суу чыгарышат го, ошону жасап жаткан жерге балдар барган экен. Ошол жерде бир үй-бүлөнүн 5 кичинекей баласы каза тапкан. Аябай жүрөгүмө катуу тийген. Ток урганда ичиндеги органдары жабышып калыптыр», — деди ал.
