Жарылуу өтө чоң масштабда болуп, терезенин айнектери, чатырдын туникелери жүздөгөн метрге чейин учкан. Бул тууралуу ӨКМ башчысынын орун басары ЖЭБдеги авария боюнча айтып жатып, «Биринчи радиодо» билдирди.
«14-от казандын жанында көмүр майдалап, от казанга чачып бере турган тегирмен болгон. Жарылуунун очогу ошол жерден табылды”, — деди ал.
Ал ошондой эле учурда жарылуунун себептерин аныктоо боюнча иликтөө иш-чаралары жүрүп жатканын, буга чейин Бишкек прокуратурасы тарабынан кылмыш иши козголгонун билдирди.