Бүгүн, 12-майда саат 17:40 чамасында Бишкек-Ош унаа жолунун 410-чакырымында жолго чоң таштар кулап, жолду жаап калгандыгына байланыштуу Бишкек-Ош унаа жолунун Кара-Көл шаарынын туннел постунан тартып, Таш-Көмүр шаарчасына чейинки (447-495-чакырымдар) унаалар убактылуу токтоп турат. Бул тууралуу ИИМдин Жол кыймылынын коопсуздугун камсыздоо башкы башкармалыгынан маалымдашты.
Азыркы учурда унаа кыймылына чектөөлөр киргизилип, жол кыймылынын коопсуздугун камсыздоо жана Транспорт министрлигинин кызматкерлери тарабынан жолдорду тазалоо иштери жүргүзүлүүдө. Жолдор ачылганда кошумча маалымат берилет.
