17-октябрда Бишкек аймактык шайлоо комиссиясы 17-ноябрда өтө турган Бишкек шаардык кеңешинин депутаттарын шайлоо боюнча шайлоо бюллетенинде саясий партиялардын кезегин аныктоо боюнча чүчүкулак өткөрдү. Бул тууралуу Борбордук шайлоо комиссиясынан билдиришти.
Чүчүкулактын жыйынтыгы боюнча бюллетенде партиялар төмөнкүдөй тартипте жайгаштырылат:
1. «Адилет»
2. «Жаны күч — Новая сила»
3. «Ынтымак»
4. «Эмгек партиясы»
5. «Эл Үмүтү»
6. «Социал-демократтар»
7. «Улуу-Журт»
Кыргыз Республикасынын жергиликтүү кеңештеринин депутаттарын шайлоодо шаардык кеңештерге шайлоо алдындагы үгүт иштери 18-октябрда, айылдык кеңештерге 28-октябрда башталып, 16-ноябрда саат 08:00дө аяктайт.
