Бишкекте 11 жаштагы Алинур Мураталиев изделип жатат. Бул тууралуу Свердлов районунун ички иштер башкармалыгынын басма сөз кызматынан билдиришти.
Маалыматка караганда, милицияга 16-сентябрда борбор калаанын тургуну кайрылып, ошол эле күнү саат 13:00 чамасында Келечек конушунда жайгашкан №87 орто мектептен чыгып, үйүнө барбаган 2010-жылы туулган жээнин табууга жардам сураган. Факты РИИБге каттоого алынган.
Белгилери: бою болжол менен 130-140 сантиметр, арык чырай, көздөрү күрөң, чачы кыска кара. Кийген кийими: көк шапка, ак көйнөк, кара жилет, шым жана кара бут кийим.
Милиция Алинур Мураталиевдин кайда экендиги тууралуу маалыматы барлардын бардыгын төмөнкү телефондор аркылуу кабарлап коюуну суранат: 0702498888, 0557119410, 0709332463 жана 102.