Бишкектеги Свердлов РИИБ тарабынан Сталбек уулу Солто изделип жатат. Бул тууралуу СЕРЕП МЕДИА маалымат агенттигине милициядан билдиришти.
Маалыматка караганда, 29-апрелде Свердлов РИИБге дайынсыз болуп жаткан жарандын апасы кайрылып, анын 22-апрелде саат 18:00 чамасында Учкун кичи районундагы үйдөн чыгып кеткен бойдон дайынсыз болуп жатканын айтып, жардам сурап кайрылган. Аталган факты каттоого алынган.
Белгилери: бою 170-175 сантиметр, толук дене түзүлүштө, чачы кыска.
Кийген кийими: топу, көк түстөгү свитер, кара ветровка, кара спорттук шым, кара спорттук бут кийим кийип жүргөн.
Кимде-ким сүрөттөгү жаранды көрүп-билген болсо, 0 702 49-88-88, 0 772 84-73-36, 0 557 11-94-10, 0 709 33-24-63 номурларына кайрылсаңыздар болот.