Бүгүн, 15-апрелде ӨКМ маалымат таратып, Бишкектин Октябрь районунда эркек киши 7-кабаттын терезесинен кулап көз жумганын билдирген. Ал 1-кабаттын чатырына түшүп, көз жумганы маалым болгон.
СЕРЕП МЕДИА маалымат агенттигине Октябрь РИИБден маркумдун аты-жөнү тактала электигин билдиришти.
«14-апрелде Бишкек ШИИБдин «102» кызматына Чыңгыз Айтматов проспектисиндеги үйлөрдүн биринин 7-кабатынан эркек киши кулаганы тууралуу маалымат түшкөн. Жерине милиция кызматкерлери барып, эркек кишинин жансыз денесин аныкташкан. Кароо учурунда криминалдык тактар байкалган эмес. Факт каттоого алынган. Учурда маркумдун аты-жөнү такталып жатат»,— деп айтылат маалыматта.