Бишкекте Тоголок Молдо көчөсүндө жайгашкан “Арзу” жана “Тайм аут” кафелери бузулууда. Окуя болгон жерде вице-мэр Азамат Кадыров жана жер пайдаланууну көзөмөлдөө башкармалыгынын башчысы Уран Мусаев бар.
Вице-мэр Кадыровдун айтымында, бул жерде эч кандай имарат болбошу керек болчу, анткени бул жерде «Спартак» стадионунун кичи аренасы болгон. Кафенин ээлерине түшүндүрүү иштери жүргүзүлгөн.
Ал белгилегендей, кичи арена калыбына келтирилет. Стадиондун жанында жайгашкан «Пишпек» рестораны да бузулабы деген суроого вице-мэр бул объектиде да иштер жүрүп жатканын айтты.