Бишкектин Киев менен Абдрахманов көчөлөрүнүн кесилишинде гүл бакчанын салынышына тоскоол болгон капиталдык имарат – «Эки дос» тез татым тамактануучу жайы өз ыктыяры менен буздурулду. Бул тууралуу мэриядан билдиришти.
Капиталдык имараттын жалпы аянты 163 чарчы метрди түзөт.
Белгилей кетсек, Киев менен Абдрахманов көчөлөрүнүн кесилишинде гүлбакча пайда болот. Мындай аракет борбор калааны көрктөндүрүү жана жашыл аймактардын санын көбөйтүү максатында курулмакчы.
