«Балдардын укугун коргоочулар лигасы» коомдук фонду укук коргоо органдарынан бала кандай жагдайда күйүк алганын тыкыр иликтөөнү өтүнөт. Бул тууралуу аталган уюмдун Фейсбук баракчасында маалымдалды.
Алар 3 жаштагы наристе өзү күйүп калганына шектенип жатканын билдиришти.
Буга чейин Чүй ОИИБ маалымат таратып, Бишкектеги ооруканада 2019-жылы туулган бала көз жумганын билдиришти. Алдын ала маалыматтарга караганда, ал жылыткычтан 80 пайыз күйүк алган.