Бишкектеги №1 мектеп-интернатынын бардык мугалимдери иштен бошотулду. Борбор калаанын мэриясынын билим берүү башкармалыгынын башчысы Айнура Арстамбекова журналисттерге билдиргендей, митингди мугалимдер өздөрү уюштуруп, окуучуларды катыштырган.
«Алардын баары прокуратуранын беренеси боюнча кызматтан бошотулган. Бул жерде тынч жыйындарга катышуучулардын коопсуздугун камсыз кылуу максатында аларды билим берүү мекемелерине 100 метрден жакын кармоого болбойт деп жазылган, демек, тынч жыйындар жөнүндөгү мыйзам бузулган. Мугалимдер мектептин аймагында митинг өткөрүшүп, окуучуларды өзүнө тартып, балдар жаттап алган сөздөрдү айтышы үчүн алдын ала даярданышып, балдар плакаттар менен суукта жана сыртта турушту. Билим берүү мыйзамы мугалимдер тарабынан бузулган. Бул окуучулрды окуудан алаксытып, сабактар үзгүлтүккө учурады», — деди Арстамбекова.
Ал белгилегендей, буга чейин мугалимдерге «массалык баш аламандыктарды» уюштурбоо эскертилип, шаардагы каалаган мектепке жумушка орноштуруу сунушталган. «Бирок алар баш тартып, балдардын катышуусундагы митингдерди өткөрүүнү тандашкан», — деп кошумчалады ал.
Анын айтымында, 40ка жакын мугалим жумуштан алынган. Ал эми мурдагы директор Нургүл Матканова Эмгек кодексинин 83-беренесине ылайык ээлеген кызматынан бошотулганын билдирди. Азыр мектеп жамааты толук камсыз болуп, жаңы директор – 36 жаштагы Жыргалбек Курманбеков дайындалган.
Буга чейин аталган мектептеги митинг боюнча SuperTV телеканалы тараптарды угуп көргөн.
