Бишкектеги автобустарда «Тулпар» системасы иштебей жатат

Бишкектеги автобустарда «Тулпар» системасы иштебей жатканын соцтармак колдонуучулары жазып жатышат. Бул боюнча Бишкек шаардык мэриясына кайрылганыбызда, төмөнкүдөй маалымат беришти.

«Бүгүн түнү системада техникалык профилактикалык иштер жүргүзүлдү. Бул убакыт аралыгында «Тулпар» кызматтарынын ишинде кыйынчылыктар байкалууда. Азыркы учурда техникалык иш-чаралар аяктап жатат. Түзүлгөн ыңгайсыздыктар үчүн кечирим сурайбыз жана түшүнүүңүздөр үчүн ыраазычылык билдиребиз», — деп айтылат маалыматта.