Бишкектин айрым райондорунда ысык суу убактылуу өчүрүлөт. Бул тууралуу мэриядан билдиришти.
Маалыматка караганда, Фучик көчөсү №19/1 жер астындагы газ түтүгүндө газдын чыгып жатканына байланыштуу «Газпром Кыргызстан» ЖЧКсы жаратылыш газын берүүнү токтотуп жатат.
«Бишкектеплоэнерго» коммуналдык компаниясы 13-сентябрдан 24-сентябрга чейин ысык суу берүүнү токтотууга аргасыз. «Факел» отканасы кечээ өчүрүлгөн, бүгүн «КЕЧ-1», «КЕЧ-2», «Интернат-1» жана «ВЧ» отканаларынын жабылышы күтүлүүдө», — дешти мэриядан.