Бишкектеги Чүй проспектиси менен Шопоков көчөлөрүнүн кесилишинде март айында жер астындагы өтмөк жана унаа токтотуучу жай курула баштайт.
Долбоор «Ташболот Холдинг» компаниясы жана «Олд Бишкек» ЖЧКсы тарабынан каржыланат. Алар кредиттик ресурстарды жана инвесторлордун кошумча каражаттарын тартууда. Курулуштун жалпы бюджети 2 миллиард сомду түзөт. Борбор калаанын мэриясы долбоордун инвестициясынын кайтарымын камсыздоо үчүн объектти 49 жылдык мөөнөткө ижарага башкарууга өткөрүп берген. Инфраструктуралык долбоорду ишке ашыруу транспорттук абалды гана жакшыртпастан, шаардык чөйрөнү модернизациялоодо маанилүү кадам болуп калат.
Акыркы 30 жыл ичинде Бишкекте бир дагы жаңы жер астындагы өтмөк курулган эмес, ошондуктан бул долбоор шаар үчүн өзгөчө мааниге ээ.
Шаардын бул бөлүгүндөгү транспорттук абал, тыгындар жана унаа токтотуучу жайлардын жетишсиздиги көптөн бери бир чечимди талап кылып келген. Жаңы объект жөө жүргүнчүлөр жана айдоочулар үчүн ыңгайлуулукту жана коопсуздукту камсыз кылат.
Долбоордун концепциясы жана максаты:
Долбоордун негизги максаты – шаардагылар үчүн коопсуздукту, жеткиликтүүлүктү жана ыңгайлуулукту жогорулатуу, ошондой эле убакытты үнөмдөө. Унаа токтотуучу жай жана жер астындагы өтмөк салуу борбордук көчөлөрдөгү тыгындарды азайтууга жана жөө жүргүнчүлөргө ыңгайлуу жолду камсыз кылууга жардам берет.
Ушундай эле долбоорлордун ийгиликтүү ишке ашырылышынын мисалы катары Ташболот Холдингдин жетекчиси Назгүл Түлеева Еревандагы жер астындагы өтмөктү мисал кылды.
Долбоорлоо жана куруу:
Долбоорду иштеп чыгуу «Бишкек башкы архитектура» мамлекеттик мекемеси менен биргеликте жүргүзүлдү жана бул бардык коопсуздук талаптарын сактоого кепилдик берет. Курулуш ишке берилген күндөн тартып 1,5 жылдан 2 жылга чейин созулат. Долбоорду ишке ашыруунун жүрүшүндө курулуш жүрүп жатканда да, объектти эксплуатациялоодо да кошумча жумушчу орундары түзүлөт.
Эмне өзгөрөт?
Долбоорго ылайык, жер астындагы өтмөк эскалаторлор, заманбап лифттер, социалдык жана тейлөө объектилери менен жабдылат. 220дан ашык унаага эсептелген жер астындагы унаа токтотуучу жай шаардын борбордук көчөлөрүндөгү жүктөмдү бир топ азайтып, унаа токтотуучу жерди бат табууга шарт түзөт. Долбоордо коопсуздуктун, энергияны үнөмдөөнүн заманбап стандарттарын сактоого өзгөчө көңүл бурулат.
Долбоор эмне берет?
Шаар бийлиги жаңы жер астындагы өтмөк жана унаа токтотуучу жай шаардын транспорттук жана социалдык инфраструктурасынын негизги элементтери болуп калат деп ишенет. Бул жол тыгынын жеңилдетип гана тим болбостон, жарандардын күнүмдүк жашоосун жакшыртып, ыңгайлуу жана эстетикалык жагымдуу чөйрөнү түзөт.
Мындай масштабдуу долбоорлорду ишке ашыруу шаарды өнүктүрүүдөгү алдыга кадам гана эмес, ошондой эле мамлекеттик жана жеке секторлордун эл үчүн эффективдүү өз ара аракеттенүүсүнүн үлгүсү боло алат.
Бишкек шаарынын мэри белгилегендей, жер астындагы өтмөк жана унаа токтотуучу жайлардын долбоору шаардын инфраструктурасын модернизациялоодогу маанилүү кадам болуп саналат: «Бүгүнкү күндө биз шаардын инфраструктурасын калыптандыруу жана жаңылоо боюнча олуттуу аракеттерди көрүп, тышкы инвестицияларга гана эмес, ички инвестициялар менен да активдүү иш алып баруудабыз. Бул борбор калаанын туруктуу өнүгүүсү үчүн өтө маанилүү. Жергиликтүү бюджеттин мүмкүнчүлүктөрү бардык маселелерди чечүүгө мүмкүндүк бербейт, бирок тышкы жана ички ресурстарды тартуу жаңы горизонтторду ачат.
Чүй проспектиси менен Шопоков көчөсүнүн кесилишиндеги жер астындагы өтмөк жөн гана инфраструктуралык долбоор эмес, шаарды өнүктүрүүгө комплекстүү мамиле жасоонун үлгүсү. Акыркы 30 жылда биз мындай масштабдагы долбоорду биринчи жолу ишке ашырып жатабыз жана бул шаардын башка аймактары да өнүгө турган прецедент болуп калат. Жер тилкеси аукционго коюлуп, жеке инвесторлорду тартууга мүмкүнчүлүк түзүлдү. Алгачкы ижара акысы 2 миллион сом болсо, аукциондун жүрүшүндө 7 миллион сомдон ашыкка кымбаттады. Жер инвесторго 49 жылга берилип, долбоордун жалпы бюджети 2 миллиард сомго жакын болот.
Комплекс эки соода борборун бириктирип, Байтик Баатыр көчөсүнө чейин созулуп, борбор калаанын жарандары жана коноктору үчүн ыңгайлуу жана коопсуз аймакты түзөт. Маанилүүсү долбоор курулуш жана эксплуатация фазаларында жаңы жумуш орундарын түзүүгө салым кошот. Мындан тышкары, мамлекеттик жана жеке сектордун өз ара аракеттенүүсүн чагылдырат. Бул Бишкектин мындан аркы өнүгүүсүнө, инфраструктурасын жаңыртуудагы биринчи кадам. Мындай долбоорлор борбордун көрүнүшүн өзгөртүп, ыңгайлуу жашоого шарт түзөт деп ишенебиз».
Кызматташуу алкагындагы бардык суроолор боюнча: +996702007700
Instagram : oldbishkek.kg
